小朋友由適應新環境、面對離別嘅不安，到學習點樣同新朋友相處、表達情緒，都係好大好大嘅挑戰。HKCMT天后繪本閣精選 7 本繪本，適合爹哋媽咪同小朋友一齊共讀，透過溫暖嘅故事，陪伴小朋友一步步建立自信同安全感！(共讀小貼士：可以多問孩子：「如果你係故事裡嘅角色，你會點做呢？」給予孩子充份表達嘅空間，聽聽佢哋喺學校嘅點滴！)

• 《米莎的新朋友》—— 打破孤獨嘅勇氣，踏出交朋友嘅第一步。
• 米莎擅長手作，卻不知如何融入群體。故事溫柔地描繪渴與人望連結嘅心情，引導內向或害羞嘅孩子睇到內心需求，學會主動建立真實嘅人際關係。

• 《魔法親親》—— 掌心裡嘅溫暖，給孩子面對改變嘅勇氣。
• 面對第一次上學嘅焦慮，小浣熊媽媽喺奇奇嘅手心留下一個魔法之吻。這本經典繪本將「愛」化為具體嘅安心儀式，有助紓緩分離焦慮，陪伴孩子跨出安心嘅第一步。

• 《大男孩不哭》—— 勇敢表達情感，大人小孩都可以脆弱。
• 里維喺返學路上睇見許多勇敢表達情感嘅大人，打破咗「男兒有淚不輕彈」嘅刻板印象。故事鼓勵孩子勇敢接納自己嘅各種情緒，並學會尊重他人感受。
• 故事改編為 HKCMT 繪本音樂劇《大個仔唔喊》。

• 《別這麼做，會影響別人》—— 同理心練習，學會體貼與尊重
• 吵鬧嘅鵝漢克因為影響他人而漸漸失去朋友，故事以幽默筆觸描繪漢克練習改變、學習傾聽嘅過程。引導孩子理解他人感受，換位思考，建立有禮貌嘅互動方式。
• 故事改編為 HKCMT 繪本音樂劇《搞事鵝》。

• 《開學日》—— 帶着期待與好奇，踏入校園新世界。
• 充滿童趣嘅香港原創繪本！以鳥兒學校開學為背景，跟住主角鴉鴉發揮想像力，將開學嘅不安轉化為對新朋友嘅期待，帶孩子感受清新、快樂又充滿希望嘅校園氣氛。

• 《被欺負了怎麼辦？》—— 學會保護自己，建立品格與溝通力。
• 四個可愛小角色以分格漫畫同輕鬆對話，探討分享、守信用與自我保護。附設延伸提問，非常適合親子討論，培養孩子嘅批判思考與社交應變能力。

• 《山下同學不說話》—— 看見沉默背後嘅努力，學習多元包容。
• 源自作者嘅親身經歷，帶領孩子認識「選擇性緘默症」。透過故事，陪伴孩子學會尊重彼此嘅差異，用善意同耐心看待身邊高敏感、內向嘅同學。

---

繪本閣書籍會不時更新，
歡迎家長與小朋友隨時閱覽，
培養孩子閱讀好習慣。